Tanımadığı şəxsi bıçaqlamaqda şübhəli bilinən 20 yaşlı Yevlax rayon sakininə cinayət işi açılıb. Bu barədə Ağdaş rayon prokurorluğu məlumat verib.
Hadisə yanvarın 10-u saat 01:00 radələrində Ağdaş rayonunun Ləki qəsəbəsində baş verib.
Məlumata əsasən, Yevlax rayon sakini tanımadığı şəxsə onun evinin həyətində ürək nahiyəsindən bıçaqla xəsarət yetirib, daha sonra isə hadisə yerindən qaçıb.
Faktla bağlı “qəsdən adam öldürməyə cəhd etmə” maddəsi ilə cinayət işi başlanılıb.
