Transxəzər Beynəlxalq Nəqliyyat Marşrutu (TBNM) ilə "Azərbaycan Xəzər Dəniz Gəmiçiliyi" QSC (ASCO) tərəfindən ilk dəfə Hövsan limanına yük daşınıb. Bu barədə 30 aprel tarixində ASCO-nun Facebook səhifəsində məlumat verilib.
Məlumata əsasən, yüklər “Maestro Niyazi” quru yük gəmisi ilə daşınıb. Qazaxıstanın Aktau limanından gələn gəmidə 140 ədəd 20 futluq konteyner olub. Hazırda konteynerlərin boşaldılması əməliyyatı həyata keçirilir.
Qeyd edək ki, TBNM Cənub-Şərqi Asiya və Çindən başlayır, Qazaxıstan, Xəzər dənizi, Azərbaycan və Gürcüstandan keçərək Avropa ölkələrinə çatır.
