Dünən, iyunun 16-da Rumıniyanın paytaxtı Buxarest şəhərində qadın güləşi üzrə U-17 Avropa çempionatı keçirilib. Azərbaycan idmançıları 1 qızıl və 1 gümüş medal qazanıblar.
Ruzanna Məmmədova (49 kq) finalda italiyalı Fabiana Rinellaya qalib gələrək Avropa çempionu adını qazanıb. Elvina Kərimzadə (43 kq) isə finalda ukraynalı Anastasiya Polskaya məğlub olaraq gümüş medalla kifayətlənib.
Qeyd edək ki, yarışın son 3 günündə sərbəst güləşçilərimiz mübarizəyə qoşulacaq. Bundan öncə isə yunan-Roma güləşi üzrə Azərbaycan yığması 8 medal (2 qızıl, 5 gümüş, 1 bürünc) qazanaraq qitə çempionu adını qazanıb.
