Şuşa şəhəri ərazisində və ətraf kəndlərdə 5 mina, 31 avtomat, 4 pulemyot, 6 qumbaraatan, 207 qumbara, 78 müxtəlif növ mərmi, 19 “Faqot” və digər raket sistemləri, 45 mindən çox müxtəlif çaplı patronlar və digər sursatlar aşkar edilib. Bu barədə noyabrın 8-də DİN məlumat verib.
Məlumata əsasən, həmçinin Daşaltı kəndində çəkisi 1 ton 600 kiloqramdan artıq olan 2 437 ədəd çətənə bitkisi məhv edilib.
Ərazilərin ermənilərin atıb qaçdığı silah-sursatlardan təmizlənməsi işləri davam edir.
Daha öncə, oktyabrın 8-də Şuşa şəhəri və Daşaltı kəndi ərazisindən 1 avtomat, 3 mina, 30 qumbara, 7 “Faqot” qurğusu, 18 qumbaraatan və minaatan mərmisi, 11 UZRQM partladıcısı və 7 380 patron tapılmışdır.
