Keçən il bu gün, noyabrın 8-də Azərbaycan Ordusu Şuşa şəhərini işğalçılardan azad etmişdir. Bu gün Şanlı Zəfər Günü kimi əbədi tarixə düşmüşdür.
ƏZİZ ŞUŞA, SƏN AZADSAN! Əziz Şuşa, biz qayıtmışıq! Əziz Şuşa, biz səni dirçəldəcəyik! Qarabağ bizimdir! QARABAĞ AZƏRBAYCANDIR!
— İlham Əliyev (@azpresident) November 8, 2020
“Biz indi Şuşaya qayıtmışıq. Bütün tarixi abidələrimizi, bütün məscidləri bərpa edəcəyik. 28 ildən sonra Şuşada yenə də azan səsi eşidiləcəkdir”, - bu sözləri İlham Əliyev xalqa müraciəti zamanı bildirmişdir.
Dəniz səviyyəsindən 1400-1800 metr yüksəklikdə olan, alınmaz qala sayılan Şuşaya xüsusi təyinatlılarımız gecə saatlarında, Daşaltı kəndi və Qəribəli kəndi tərəfindəki meşəlikdən daxil olublar. Fransanın “Le Monde” qəzetinin Xankəndidəki reportyoru yazırdı ki, Şuşadan gələn əsgərlərdə əsasən güllə və bıçaq yaraları idi. Bu o deməkdir ki, Şuşa şəhəri birbaşa təmas döyüşündə, əlbayaxa döyüşlərdə azad olunub.
Şuşa işğal altında olduğu dövrlərdə 600-ə yaxın tarixi memarlıq abidəsi, 22 məktəb, 8 mədəniyyət evi, 31 kitabxana, 2 kinoteatr, 8 muzey, o cümlədən Şuşa Tarix Muzeyi, Qafqazda yeganə Şərq musiqi alətləri fabriki dağıdılmışdır.
Şuşanın bərpası cari ilin yanvarın 14-dən başlanmışdır və ilk növbədə ora yol çəkilmişdir. Şəhərin elektrik təsərrüfatı, su xətləri bərpa edilmiş, yarımstansiya tikilmişdir. Avqustun 30-da isə “Qarabağ” hotelinin açılışı olmuşdur.
[playlist type="video" ids="12492"]
