Ukraynada turistik marşrutlar Azərbaycan dilində dərc olunacaq. Bunu noyabrın 10-da “Report”a açıqlamasında Ukrayna parlamentinin deputatı Lyudmila Marçenko bildirib.
"Ukraynada turistik marşrutlar Azərbaycan dilində çap olunaraq muzeylərdə yerləşdiriləcək", - deputat bildirib. O qeyd edib ki, artıq Azərbaycanda bu gün Ukrayna dilində turistik qidlər dərc olunur: “Eyni zamanda, biz də maraqlıyıq ki, Ukraynada analoji bülletenlər Azərbaycan dilində buraxılsın və bu, artıq nəzərdə tutulur”.
Deputat onu da vurğulayıb ki, Azərbaycanda Ukraynanın Qolodomor qurbanlarının anım günü ilə əlaqədar tədbir keçirilməsinə dair razılıq əldə olunub.
