Vüqar Səfərlinin müsadirə edilən əmlaklarının siyahısı

Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun sabiq icraçı direktoru Vüqar Səfərlinin müsadirə edilən əmlakının siyahısı məlum olub. Bu barədə dekabrın 28-də Report məlumat yayıb.

Bakı Ağır Cinayətlər Məhkəməsinin hökmü ilə onun:

Bakı şəhəri, 8 Noyabr prospektində yerləşən qeyri-yaşayış sahəsi, Əhmədlidə yerləşən torpaq sahəsi, Goradil kəndindəki 0,104 hektarlıq bağ sahəsi, Xətai rayonundakı 49 kv/m-lik evi və oğluna məxsus 39 kv/m-lik qeyri-yaşayış sahəsi;

İsmayıllı rayonunda 0,20 hektarlıq torpaq sahəsi, Novxanıda yerləşən 193 və 291 kv/m-lik bağ evləri müsadirə olunub.

Bunlardan əlavə, onun “Mercedens Benz ML 350”, “Wolksvagen Tuareg” və “Toyota land Cruiser” markalı avtomobilləri də müsadirə olunub.

Məhkəmənin hökmünə əsasən, V. Səfərlinin "Rabitəbank" hesabında olan 300 min, oğlunun hesabında olan 500 min və Baş Prokurorluğun depozit hesabına qoyulmuş 200 min manat vəsait müsadirə edilib.

Qeyd edək ki, V. Səfərli cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum olunub.