Düz bir il əvvəl, 10 noyabr tarixində Vətən Müharibəsi sona çatıb. Bununla da 30 illik Qarabağ münaqişəsi öz həllini tapıb.
Həmin gün imzalanmış üçtərəfli bəyanata əsasən, atəşin dayandırılması elan olunub. Bu sənəd dekabrın 1-dək siyasi yolla Ağdam, Kəlbəcər və Laçının Azərbaycana qaytarılmasını nəzərdə tutub.
Razılaşmanın pozulmaması üçün 5 il müddətinə Dağlıq Qarabağda təmas xətti və Laçın dəhlizi boyu Rusiya sülhməramlıları yerləşdirilib.
44 gün davam edən müharibə ərzində 4 oktyabrda Cəbrayıl, 17 oktyabrda Füzuli, 20 oktyabrda Zəngilan, 25 oktyabrda Qubadlı və 8 noyabrda Şuşa işğaldan azad edilib.
Müharibənin həlledici məqamı Şuşanın qaytarılması olub. Ermənistanın Baş Naziri Paşinyan bununla Xankəndi şəhərinin müdafiəsiz qaldığını etiraf edib.
Prezident İlham Əliyevin fərmanına əsasən, Zəfər Günü hər il noyabrın 10-da keçirilməli idi. Lakin bu tarix Mustafa Kamal Atatürkün Anım günü olduğundan Zəfər Gününün noyabrın 8-də qeyd edilməsi barədə qərar qəbul edilib.
Bu bəyanat tarixi əhəmiyyət kəsb edir. Bu bəyanat Ermənistanın kapitulyasiyası deməkdir. Bu bəyanat uzun illər davam edən işğala son qoyur. Bu bəyanat bizim Şanlı Qələbəmizdir!
— İlham Əliyev (@azpresident) November 10, 2020
[playlist type="video" ids="12588,"]
