Koronavirusa yoluxan İmişlinin sabiq icra başçısı Vilyam Hacıyev sağalıb və penitensiar sistəmə geri qaytarılıb. Bu barədə oktyabrın 27-də Ədliyyə Nazirliyindən Apa-ya məlumat verilib.
Sabiq başçı Dövlət Gömrük Komitəsinin Hospitalında müalicə alırdı.
Vilyam Hacıyev 2020-ci il mayın 5-də Dövlət Təhlükəsizliyi Xidməti tərəfindən saxlanılıb. O, “vəzifə səlahiyyətlərindən sui-istifadə”, “rüşvət alma”, “mənimsəmə” və “vəzifə saxtakarlığı” maddələri ilə ittiham olunur.
Sözügedən şəxs 2004-2006-cı illərdə Göygöl, 2006-2012-ci illərdə Samux, 2012-ci ildən isə İmişli rayonu İcra Hakimiyyətinin Başçısı vəzifəsində işləyib.
