“Mən həm Azərbaycan prezidentinin, həm də Ermənistanın baş nazirinin siyasi müdrikliyinə hörmətlə yanaşıram. Hadisələrin bütün faciəviliyinə baxmayaraq, onlar bir anlıq siyasi konyunkturdan yuxarı qalxmağı və çox məsuliyyətli qərar qəbul etməyi bacardılar”. Bu sözləri Rusiya Prezidenti Vladimir Putin 21 oktyabr tarixində “Valday” beynəlxalq klubunun iclasında çıxış edərkən bildirib.
Vladimir Putinin sözlərinə görə, həm Azərbaycan, həm də Ermənistan qarşılıqlı əlaqələrin qurulmasını istəyir: “Azərbaycan Naxçıvanla normal əlaqə qurmaqda maraqlıdır. Ermənistan da, həmçinin kommunikasiyaların açılmasında maraqlıdır”.
Rusiyanın Prezidenti hesab edir ki, Ermənistan gələcəkdə Azərbaycanla münasibətlərin qurulması, Türkiyə ilə dondurulmuş münasibətlərin açılmasında prinsipcə maraqlıdır.
“Əsas məqsəd sərhəddəki vəziyyəti nizamlamaqdır. Və bu Rusiyanin iştirakı olmadan mümkün deyil, çünki xəritələr Rusiya ordusunun Baş Qərargahında yerləşir”, - deyə Vladimir Putin əlavə edib.
