Rusiyanın Moskva şəhərində 21-24 sentyabr tarixlərində “Worldfood Moscow 2021” beynəlxalq ərzaq sərgisində Azərbaycan ərzaq məhsulları nümayiş olunacaq. Bu barədə İqtisadiyyat Nazirliyinin rəsmi səhifəsində məlumat verilib.
Tədbirdə Azərbaycanın 20-dən çox şirkətinin istehsal etdiyi meyvə şirələri, müxtəlif növ şərablar, təbii mineral sular, çay, süd məhsulları, fındıq, meyvə-tərəvəz, konservləşdirilmiş məhsullar, qənnadı məmulatları vahid ölkə stendi ilə nümayiş etdiriləcək. Bundan əlavə sərgidə Azərbaycanın mədəniyyəti və mətbəxi, turizm, biznes və investisiya imkanları təbliğ olunacaq.
Ölkəmiz artıq 5-ci dəfə sözügedən sərgiyə qatılır.
Azərbaycanla yanaşı tədbirdə Türkiyə, İtaliya, Almaniya, ABŞ, İsrail, Yunanıstan və digər ölkələr öz məhsullarını nümayış etdirəcəklər.
