Ağdam rayonunda yerləşən Xaçınçay su anbarı cari ildə bərpa olunacaq. Bu barədə 10 yanvar tarixində Ağdam Mexaniki Suvarma İdarəsinin müdiri Hafiz Əzimzadəyə istinadən Trend məlumat verib.
Onun sözlərinə görə, 30 il işğal dövründə su anbarına baxılmayıb və anbar yararsız vəziyyətdədir. “1964-cü ildə tikilən anbarın uzunluğu 940 metr, su tutumu isə 23 milyon kubmetr təşkil edir. İşğaldan əvvəlki dövrdə su anbarından 8 min hektar torpaq sahəsi suvarılıb”, - deyə idarə müdiri əlavə edib.
Hafiz Əzimzadənin dediyinə görə, artıq anbarın smeta-layihə işləri hazırlanıb və ərazisi minalardan təmizlənib. İşlər tamamlandıqdan sonra su anbarı 2 min hektardan artıq ərazinin suvarılmasına xidmət edəcək.
