Təhsildə Keyfiyyət Təminatı Agentliyinin (TKTA) noyabrın 16-da verdiyi məlumata görə, Azərbaycanda xarici diplomların tanınması qaydalarında dəyişiklik edilib.
Dəyişikliyə əsasən, xaricdə magistratura səviyyəsi üzrə alınan ixtisasla bakalavr pilləsinin ixtisası arasında uyğunluq zəruri olmayacaq.
Bugünə kimi sözügedən səbəbdən xarici diplomu təsdiq edilməyən şəxslər yenidən TKTA-ya müraciət edə bilərlər.
Ötən ay üzrə xaricdə təhsil almış şəxslərin diplomlarının tanınması ilə bağlı ümumilikdə 338 müraciət edilib. Onlardan 81-i müxtəlif səbəblərdən tanınmayıb.
Vətəndaşlar xarici ali təhsil diplomlarını taninma.az portalında təsdiqləyə bilərlər. Ərizənin orta baxılma müddəti 23 gündür. Sənədlərin qəbulu üçün 250 manat ödəniş edilməlidir.
