“Ot Kökləri və İnsan Təhlükəsizliyi” üzrə qrant yardım proqramı çərçivəsində Yaponiya Azərbaycana 1 milyon manatdan çox vəsait ayırıb. Bu barədə 17 dekabr tarixində Report məlumat verib.
Astara, Qazax, Ucar, Ağdaş, Zaqatala, Ağdam və Quba rayonlarında icra olunacaq 7 layihə üzrə müqavilələr imzalanıb. Yaponiyanın ölkəmizdə səfiri Cüniçi Vadanın sözlərinə görə, qrant yardımları səhiyyə xidmətlərinin təkmilləşməsinə, lazım olan sayda təhsil müəssisələrinin təmin edilməsinə, yerli əhalinin həyat şəraiti və rifah halının yaxşılaşdırılmasına kömək edəcək.
Qeyd edək ki, sözügedən proqram çərçivəsində indiyədək 275 qrant müqaviləsi üzrə ümumi 39,1 milyon manatdan çox vəsait ayrılıb.
