Yardımlı rayonunda qətl törətməkdə təqsirləndirilən şəxsin cinayət işi üzrə ibtidai istintaqı yekunlaşıb. İş baxılması üçün məhkəməyə göndərilib. Bu haqda dekabrın 18-də Report məlumat yayıb.
Məhkəmənin hazırlıq iclası dekabrın 28-nə təyin edilib.
Hadisə bu il sentyabrın 12-də rayonun Arvana kəndində baş verib. Sözügedən şəxs 22 yaşlı həmkəndlisini aralarında yaranmış mübahisə zamanı onu ov tüfəngindən atəş açaraq öldürməkdə şübhəli bilinir.
Onun barəsində “qəsdən adam öldürmə” maddəsi ilə ittiham irəli sürülüb.
Azərbaycanda 2021-ci ilin birinci yarısında 15 minə yaxın cinayət hadisəsi baş verib. Onlardan qəsdən adam öldürmə və adam öldürməyə cəhdlərin sayı 109 təşkil edib.
