Yaxın günlərdə Azərbaycanda Apple Pay-ın işə başlayacağı gözlənilir.
Fins.az-ın oktyabrın 27-də yaydığı xəbərə əsasən, sözügedən ödəniş sistemini ölkədə fəaliyyət göstərən 5 bank tətbiq edəcək.
Məlumatda, həmçinin bildirilir ki, həmin banklarla Apple Pay arasında müvafiq müqavilə də bağlanılıb. Təmassız ödəniş sistemi müəyyən texniki işlər yekunlaşdıqdan sonra istifadəyə veriləcək.
Bu xəbər sosial şəbəkələrdə geniş müzakirələrə səbəb olub. İddia olunur ki, ilk olaraq ödəniş sistemi Paşa Bank, Kapital Bank, Bank Respublika və Bank of Baku-da istifadə olunacaq. Digərləri isə bu platformaya sonradan qoşulacaqlar.
