Yevlaxın həbsdə olan sabiq icra başçısı Qoca Səmədovun kassasiya şikayəti icraata götürülüb. Bu haqda martın 30-da Report-a onun vəkili Elnur Vəliyev bildirib.
Məhkəmənin vaxtı hələlik məlum deyil.
Sözügedən şəxs 2019-cu ilin noyabr ayınadək Yevlax Şəhər İcra Hakimiyyətinin başçısı kimi fəaliyyət göstərib. O, Dövlət Təhlükəsizliyi Xidmətinin keçirdiyi əməliyyat zamanı saxlanılıb.
Məhkəmənin hökmü ilə Səmədov 7 il 3 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib və cəza 6 ilə endirilib.
