Dünən, aprelin 24-də "Yüksəliş" müsabiqəsinin “Ümumi biliklər üzrə onlayn imtahan”ı baş tutub. Bu barədə müsabiqənin rəsmi saytında məlumat verilib.
İmtahanda 7 294 şəxs iştirak edib. Testlər Azərbaycan və dünya ölkələri üzrə tarix, coğrafiya, ədəbiyyat və mədəniyyət, həmçinin hüquq və iqtisadiyyat sahələri, müasir trendlər olmaqla 4 bloku əhatə edib.
Qarşıda namizədləri onlayn mərhələnin “Qabiliyyət imtahanı” gözləyir. Suallar abstrakt düşüncə, rəqəmsal məlumatlarla işləmək bacarığı və verbal məlumatlarla işləmək bacarığı olmaqla 3 blok üzrə olacaq.
Qeyd edək ki, müsabiqədə iştirak üçün 12 299 namizəd müraciət etmişdir. Onlardan 12 253-ü onlayn mərhələdə iştirak haqqı əldə etmişdirlər.
Müsabiqənin sonunda qalib kimi 20 iştirakçı seçiləcək. Onlar bir illik mentorluq proqramına qoşulmaq və fərdi inkişaf üçün 20 min manat pul mükafatı qazanmaq imkanı əldə edəcəklər.
