"Zirə" UEFA Konfrans Liqasında növbəti oyununu keçirib. Bu barədə İnsanoid bu gün, 16 avqust tarixində xəbər verir.
Paytaxt klubu 3-cü təsnifat mərhələsinin cavab matçında Bakıda Xorvatiyanın "Osiyek" klubu ilə qarşılaşıb.
37-ci dəqiqədə Vedran Yuqoviç fərqlənərək "Osiyek"i hesabda önə çıxarıb. 54-cü dəqiqədə penaltini dəqiq yerinə yetirən Qismət Alıyev tarazlığı bərpa edib. 81-ci dəqiqədə Anton Matkoviç xorvatların ikinci qoluna imza atıb. 90-cı dəqiqədə Davit Volkov adını tabloya yazdırıb.
"Liv Bona Dea Arena”dakı matçda qalib müəyyənləşməyib - 2:2.
Səfərdəki ilk görüşdə 1:1 hesablı heç-heçə qeydə alındığı üçün əlavə vaxta ehtiyac duyulub. 30 dəqiqədə qapılara qol vurulmadığından penaltilər seriyasına ehtiyac duyulub. Burada daha dəqiq olan (2:1) Rəşad Sadıqovun komandası tarixində ilk dəfə pley-offa yüksəlib.
"Zirə"nin qapıçısı Tiaqo Silva penaltilər seriyasında "seyv"lərlə yadda qalıb.
Komanda bu raundda Kiprin "Omoniya" kollektivi ilə görüşəcək.
