Prezident İlham Əliyevin Sərəncamı ilə Osman İsmayıl oğlu Xaliyev İpoteka və Kredit Zəmanət Fondu İdarə Heyətinin sədri təyin edilib.
İnsanoid.com Osman İsmayıl oğlu Xaliyevin dosyesini təqdim edir:
Osman İsmayıl oğlu Xaliyev 1985-ci ildə Sumqayıt şəhərində anadan olub.
2007-ci ildə Azərbaycan Dövlət İqtisad Universitetini "İqtisadi kibernetika" ixtisası üzrə bitirib.
2010-cu ildə həmin universitetdə "İdarəetmənin informasiya texnologiyası" üzrə magistr dərəcəsi alıb.
2012–2014-cü illərdə ABŞ-nin Brandeis Universitetində MBA təhsili alıb.
AccessBank, Azərbaycan Mərkəzi Bankı və ABŞ-də fəaliyyət göstərən Global Atlantic Partners LLC şirkətində çalışıb.
2020-ci ildə SİF İdarə Heyəti sədrinin müşaviri, 2021-ci ildə isə sədr müavini olub.
15 noyabr 2022-ci ildə SİF İdarə Heyətinin sədri təyin edilib.
