Qubada kişi "TikTok"da mesaj yazdığını görən arvadını döyüb.
İnsanoid.com-un məlumatına görə, hadisə rayonun Sofikənd kəndində baş verib.
Belə ki, təqsirləndirilən Vahid məhkəmədə elan olunmuş ittiham üzrə özünü təqsirli bilib. Onun sözlərinə görə, hadisə günü həyat yoldaşının telefonla kiməsə mesaj yazdığını görüb. Telefonu əlindən almaq istəsə də, qadın buna imkan verməyib. Bundan sonra əsəbiləşərək onun baş nahiyəsinə yumruqla zərbə vurub. Daha sonra qonaq otağında yaranan mübahisə zamanı həyat yoldaşını döyməyə davam edib.
Zərərçəkmiş qadın da məhkəmədə ərinin onu döydüyünü təsdiqləyib. O bildirib ki, hadisə zamanı "TikTok" sosial şəbəkəsində tanış olduğu və adını bilmədiyi şəxslə danışıb. Bu zaman əri qəfil yaxınlaşaraq telefonu əlindən alıb və onunla mübahisə etməyə başlayıb. Məhkəmədə tərəflərin barışdığı məlum olub. Zərərçəkmiş şəxs ərinə qarşı şikayət və tələbinin olmadığını bildirib.
Quba Rayon Məhkəməsinin hökmü ilə təqsirləndirilən Vahid cinayət məsuliyyətindən azad edilib. Məhkəmə icraata Cinayət Məcəlləsinin 73.2-ci maddəsinə əsasən xitam verib.
Əsmər Sənani
