Xankəndidə qəhvə və çay festivalı təşkil olunacaq.
İnsanoid.com xəbər verir ki, "Flawless Solutions" şirkətinin təşkilatçılığı ilə Azərbaycanın işğaldan azad edilmiş ərazilərində keçirilən bu mədəniyyət tədbiri böyük qayıdış və birlik simvolu daşıyır.
29 və 30 may tarixlərində, saat 11:00-dan 22:30-a qədər Xankəndi şəhərinin Zəfər Meydanında mədəniyyət proqramı təşkil olunacaq. Azərbaycanın adət-ənənələri, dadlı qəhvə və çay növlərinin dequstasiyası, canlı konsert proqramı, rəqs çıxışları, uşaq əyləncəsi ziyarətçiləri gözləyir.
Festival proqramı ailənin hər üzvü üçündür. Uşaqlar üçün xüsusi oyun zonaları və interaktiv əyləncə proqramları, dequstasiya ziyarətçiləri qarşılayacaq. Axşam saatlarında isə Azərbaycanın tanınmış müğənniləri ilə canlı konsert proqramı, rəqs qruplarının çıxışları və DJ Said-in təqdimatında enerjili musiqi atmosferi festivalı davam etdirəcək.
İştirak edəcək DJ və mügənnilər:
DJ Said, Latifa, Əkbər Əliyev, Səbuhi İbayev, Ehtiram Hüseynov, Səbinə Ərəbli, Anar Şuşalı, Firuz Səxavət
Tarix: 29-30 may
Vaxt: 11:00 - 22:30
Məkan: Azərbaycan, Xankəndi, Zəfər Meydanı
Giriş sərbəstdir
