Ağcabədidə evdən 15.000 manat dəyərində oğurluq edən şəxs saxlanılıb. Bu barədə İnsanoid DİN-in mətbuat xidmətinə istinadən bu gün, 24 aprel tarixində xəbər verir.
Aprel ayında Ağcabədi Rayon Polis Şöbəsinə fərdi yaşayış evindən oğurluq edilməsi barədə məlumat daxil olub.
Araşdırmalarla ev sahibinin iki il öncə oraya baş çəkdiyi və oğurluğun da bundan sonrakı dövr ərzində törədildiyi müəyyən edilib. Oğurluq əməlində şübhəli bilinən rayon sakini Rahib İmanov saxlanılıb və dindirilmə zamanı öz əməlini etiraf edib.
R.İmanov ötən ilin avqust ayının əvvəlindən dekabr ayının sonunadək mütəmadi şəkildə qızıl-zinət və məişət əsyaları oğurlamaqla zərərçəkmişə 15 min manat miqdarında maddi ziyan vurub.
Oğurlanan əşyalar aşkar edilərək maddi sübut kimi götürülüb.
Faktla bağlı cinayət işi başlanıb, istintaq davam etdirilir.
[caption id="attachment_113574" align="alignnone" width="696"]
Foto DİN[/caption]
