Ağdaş rayonunda 2 azyaşlı zəhərlənib. Bu barədə Report 1 may tarixində xəbər verib.
Hadisə rayonun Yenicə kəndində baş verib. 2019-cu il təvəllüdlü N.A. (ad, soyadı şərti) və bacısı, 2021-ci il təvəllüdlü Ə.A. (ad, soyadı şərti) dərman zəhərlənməsi diaqnozu ilə Ağdaş Rayon Mərkəzi Xəstəxanasına yerləşdiriliblər.
Valideynlərinin dediyinə görə, azyaşlı qızlar evdə ehtiyatsızlıqdan cücə üçün hazırlanmış dərmanı içiblər.
Hər ikisinə ilkin tibbi yardım göstərildikdən sonra bacılar evə buraxılıblar.
