Ələt-Astara-İran sərhədi avtomobil yolunun Salyan rayonundan keçən hissəsində iki nəqliyyat vasitəsi toqquşub. Bu barədə Report 20 fevral tarixində xəbər verib.
Fevralın 20-si saat 00:30 radələrində 37 yaşlı Qoşqar Teymurzadənin idarə etdiyi “Toyota Corolla” markalı avtomobil Astara istiqamətində eyni istiqamətdə hərəkətdə olan 47 yaşlı Zaur Ağayevin idarə etdiyi “KamAZ” markalı avtomobilin arxa hissəsinə çarpılıb.
Nəticədə “Corolla”da olan sərnişin, 69 yaşlı Faiq Ağa aldığı xəsarətlərdən hadisə yerində ölüb, digər sərnişin, 29 yaşlı Ülkər Məmmədova isə xəsarət alaraq Salyan Rayon Mərkəzi Xəstəxanasına aparılıb.
Faktla bağlı cinayət işi başlanaraq istintaq aparılır.
