Əmək Bazarı və Sosial Müdafiə Məsələləri üzrə Milli Observatoriya mövcud əmək bazarında ən çox tələb olunan peşə sahələrinin müəyyən olunması üzrə araşdırma aparıb. Bu barədə 14 aprel tarixində Report məlumat verib.
Bunun üçün ölkəmizin əmək bazarında 2020-ci ilin may ayından 2022-ci ilin fevral ayına qədərki dövrə aid 25 min iş elanı toplanılaraq təhlil edilib.
Beləliklə, müəyyən olunub ki, əmək bazarında 17,5% göstərici ilə maliyyə-mühasibatlıq üzrə peşə sahiblərinə tələbat liderlik edir.
Digər dördlükdə marketinq və satış (13,9%), İKT və dizayn (10,3%), pərakəndə ticarət (9,1%) və təchizat-logistika (6,2%) üzrə iş elanları yer alır.
