İşğaldan azad edilmiş ərazilərdə indiyə qədər 83 993 hektar ərazi mina və partlamamış hərbi sursatlardan təmizlənib. Bu barədə Report 21 iyun tarixində məlumat verib.
ANAMA-nın əməliyyat idarəsinin rəisi İdris İsmayılov bildirib ki, indiyə qədər 89 mindən çox mina və hərbi sursatlar aşkar edilərək məhv edilib:
"Biz ilk gündən yaşayış yerləri, yol və infrastruktur layihələri, elektrik xətləri üzrə layihələri minalardan təmizləmişik və bu istiqamətdə fəaliyyət davam edir. Hazırda köçlə bağlı Laçın, Zabux və Sus yaşayış yerlərində işlər aparılır”.
