“Tarix” mövzusuna həsr olunan 10 manatlıq pul nişanı yenilənib. Bu barədə 22 aprel tarixində Mərkəzi Bank məlumat verib.
Məlumata əsasən, 10 manatlıq pul nişanı 22 iyun 2022-ci il tarixindən tədavülə buraxılacaq.
Bildirilib ki, tədavülə buraxılan yenilənmiş 10 manatlıq pul nişanının istehsalı artıq başa çatdığından bu pul nişanlarının üzərində Mərkəzi Bankın sabiq sədrinin imzası əks olunmuşdur.
Qeyd olunub ki, yenilənmiş 10 manatlıq kağız pul nişanı hazırda tədavüldə olan eyni nominallı pul nişanları ilə paralel olaraq dövriyyədə olacaq və tədavül vasitəsi kimi məhdudiyyətsiz istifadə ediləcəkdir.
2021-ci ilin əvvəlindən yenilənmiş 1, 5 və 50 manatlıq pul nişanları, cari ilin fevral ayından isə yenilənmiş 20 manatlıq pul nişanı tədavülə buraxılmışdır.
