Özünü din xadimi kimi qələmə verən "mollalar" qəbiristanlığa çəkiliş qrupunun gəldiyini görüb qaçıblar. Bu barədə Xəzər Xəbər 22 aprel tarixində xəbər verib.
Bu hal Yasamal qəbiristanlığında olub.
İnsanlar hər bayramda vəfat edən yaxınlarının məzarını ziyarət etmək üçün qəbiristanlıqlara üz tuturlar. Bu vəziyyətdən sui-istifadə edib özünü din xadimi kimi göstərərək oxuduğu dualardan bixəbər olan “molla”lardan nə işlə məşğul olduqlarını soruşmaq istədikdə isə qaçaraq aradan çıxmağa çalışırlar.
Hətta bəziləri oxuduğu duanı yarımçıq qoyaraq ərazidən uzaqlaşır. Digərləri isə işlərinin olduğunu deyib dialoqu tez kəsir və həmin yeri tərk etməyə çalışırlar.
Amma ayaq saxlayıb nə üçün qəbiristanlıqda olduqlarını izah edənlər də var.
Ramazan bayramı ilə bağlı yaxınlarının məzarlarını ziyarət edənlər isə dualar oxuyub onları yad etməyə çalışırlar.
Bəziləri isə vəfat edən yaxınları üçün dua etməklə yanaşı, məzarını da təmizləyir və səliqə-sahman yaratmağa çalışırlar.
