Qanunsuz parklanmanın qarşısının alınması məqsədilə quraşdırılan dəmir tumbaları oğurlamaqda şübhəli bilinən şəxslər saxlanılıblar. Bu barədə İnsanoid Daxili İşlər Nazirliyinə istinadən bu gün, 8 may tarixində xəbər verir.
Əvvəllər Cinayət Məcəlləsinin müxtəlif maddələri ilə məhkum olunmuş Ceyhun Mirzəyev, Eyvaz Əliyev və Elşən Həsənov tutularaq istintaqa təqdim olunublar.
Paytaxtın Nərimanov rayonunda Elşən Həsənov özünə məxsus avtomobillə tanışları, Ceyhun Mirzəyev və Eyvaz Əliyevlə birlikdə gecə saatlarında parka gələrək oradan ümumilikdə 14 ədəd dəmir tumba oğurlayıb. Dəstə üzvləri daha sonra həmin tumbaları müxtəlif ünvanlarda yerləşən əlvan metal qəbulu məntəqələrinə pul müqabilində satıblar. Qrup üzvlərinin oğurladıqları tumbaların bir qismi qeyd edilən əlvan metal qəbulu məntəqələrindən aşkar olunaraq maddi sübut qismində götürülüb. Saxlanılan şəxslərin etdikləri oğurluq cinayətləri inzibati ərazidə quraşdırılan videomüşahidə kameraları vasitəsilə də qeydə alınıb.
Saxlanılan şəxslər barəsində məhkəmənin qərarı ilə 3 ay müddətinə həbs qətimkan tədbiri seçilib, araşdırmalar davam etdirilir.
[caption id="attachment_115178" align="alignnone" width="696"]
Foto DİN[/caption]
