Paytaxtın Sabunçu, Xətai, Nərimanov və Qaradağ rayonlarında qazın verilişində fasilə olacaq. Bu barədə İnsanoid “Azəriqaz”a istinadən bu gün, 24 iyun tarixində xəbər verir.
Qeyd olunan rayonların qaz xətlərində görüləcək təmir-quraşdırma işləri ilə əlaqədar 24.06.2024-cü il tarixdə saat 10:00-dan qaz təchizatının dayandırılması planlaşdırılır.
Sabunçu rayonu üzrə Maştağa qəsəbəsinin Daş karxanası, Subtropik sovxoz ərazisi və "Maştağa-Gülçülük" yaşayış massivinin, Xətai rayonu üzrə Cavanşir, Qədir Məmmədov, Ramiz Quliyev, Sadıqcan küçələrinin, Nərimanov rayonu üzrə Ziya Bünyadov prospektinin, Qaradağ rayonu üzrə isə Səngəçal, Əzimkənd, Umbakı qəsəbələrinin və Yol evləri, Bağ evləri yaşayış massivlərinin qaz təchizatında müvəqqəti fasilə yaranacaq.
