Böyük Britaniyada 18 şirkət birdəfəlik olaraq, 4 günlük iş həftəsinə keçmək barədə qərar qəbul edib. Bu barədə 23 fevral tarixində “Qafqazinfo” xarici mediaya istinadən xəbər verib.
Sözügedən şirkətlər Kembric universitetinin sosioloqlarının 6 ay ərzində keçirdiyi eksperimentin nəticəsində bu barədə qərar veriblər. 2022-ci ilin iyununda başlayan eksperimentdə isə ümumilikdə Britaniyanın 61 şirkəti iştirak edib.
Digər şirkətlər isə 4 günlük iş həftəsini müvəqqəti olaraq, sınaqdan keçirməyə davam edəcək.
Məlumata görə, eksperimentdə iştirak edən işçilərin 71%-də daha az “tükənmişlik” qeydə alınıb. İşçilərin 39%-də isə yarım il ərzində stres səviyyəsi enib.
