Çinin Heyluntszyan əyalətinin Ciciqar şəhərində gimnaziya binasının beton tavanının çökməsi nəticəsində 11 nəfər həlak olub. Bu barədə APA xarixi KİV-yə istinadən məlumat verib.
Hadisə ötən gün baş verib.
Məlumata görə, insident tələbə qızlardan ibarət basketbol komandasının məşqi zamanı baş verib. Hadisə yerində 19 nəfərin olduğu, onlardan dördünün qaçmağı bacardığı, 15 nəfərin isə dağıntılar altında qaldığı bildirilib.
Binanın tavanının güclü yağışlar səbəbi ilə çökməsi ehtimal olunur. Məlumata görə, istintaq zamanı binanın tikintisində qanunsuz olaraq, suya qarşı dayanıqsız material olan perlitdən istifadə edildiyi aşkarlanıb.
Tikinti şirkətinin məsuliyyət daşıyan nümayəndələri saxlanılıblar.
