Fövqəladə Hallar Nazirliyinin əməkdaşları 6 nəfəri xilas ediblər. Bu barədə İnsanoid nazirliyə istinadən bu gün, 15 iyul tarixində xəbər verir.
Nazirliyin aidiyyəti qurumları tərəfindən ötən sutka ərzində 80 yanğına çıxış və 4 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə Fövqəladə Hallar Nazirliyinin qüvvələri tərəfindən ötən sutka ərzində 6 nəfər xilas edilib, yanğınlar zamanı 10 nəfər təxliyə olunub, 1 nəfərin meyiti aidiyyəti üzrə təhvil verilib.
