Göyçay rayonunda fərdi yaşayış evində yanğın olub. Bu barədə mayın 5-də Baku.ws məlumat yayıb.
İnsident ötən gecə saat 03:00 radələrində qeydə alınıb. 250 kvadratmetr olan ikimərtəbəli evdə baş verən yanğının söndürülməsi üçün əraziyə FHN-nin qüvvələri cəlb olunub.
Hadisə zamanı ev və içərisindəki əşyalar tamamilə yanıb. Nəticədə birinci mərtəbədə olan bir baş iribuynuzlu heyvan və xeyli sayda ev quşu tələf olub.
Yanğının hansı səbəbdən başlaması məlum deyil. Faktla bağlı araşdırma aparılır.
