Göygöldə toy karvanında avtoxuliqanlıq edən şəxs saxlanılıb. Bu barədə İnsanoid DİN-in Mətbuat Xidmətinə istinadən bu gün, 29 aprel tarixində məlumat verir.
Göygöl Rayon Polis Şöbəsinin əməkdaşları rayon ərazisində toy karvanında avtoxuliqanlıq edərək ictimai asayişi nümayişkəranə şəkildə pozan və bununla da vətəndaşların haqlı narazılığına səbəb olan sürücünü saxlayıb.
Araşdırmalar zamanı rayon sakini Kənan Rzayevin “Hyundai” markalı avtomobillə toy karvanında intizamsız şəkildə yol hərəkəti qaydalarını kobud şəkildə pozaraq avtoxuliqanlıq etməsi, digər hərəkət iştirakçılarına təhlükə yaratması məlum olub.
Həmin şəxs saxlanılaraq barəsində protokol tərtib edilməklə baxılması üçün Göygöl Rayon Məhkəməsinə göndərilib.
Məhkəmənin qərarı ilə K.Rzayev 20 sutkalıq inzibati qaydada həbs edilib.
