Göygöldə bıçaqlanma hadisəsi baş verib. Bu barədə Report 29 mart tarixində xəbər verib.
Martın 28-i saat 20:00 radələrində rayonun ərazisində 32 yaşlı D.Əliyevanın həmyaşıdı olan əri, Elçin Süleymanovla yaşadıqları evdə qısqanclıq zəminində aralarında mübahisə yaranıb.
Mübahisə zamanı qadın mətbəx bıçağı ilə Elçin Süleymanovun qarın nahiyəsinə bir zərbə vurub. Nəticədə kişi xəsarət alıb.
Faktla bağlı Göygöl Rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanaraq istintaq aparılır.
