Bu gün, mayın 5-də Rumıniyanın paytaxtı Buxarest şəhərində şahmat üzrə Grand Chess Tour turnirinin ilk mərhələsinin (Superbet Chess Classic Romania) 1-ci turunun oyunları keçiriləcək. Yarışda iştirak edən Şəhriyar Məmmədyarovun ilk turdakı rəqibi ABŞ idmançısı Uesli So olacaq.
Qeyd edək ki, Şəhriyar Uesli Soya qarşı qara fiqurlarla oynayacaq. İlk turda, həmçinin Maksim Vaşye-Laqravla Lenyer Dominqes, Fabiano Karuanayla Alireza Firudja, Yan Nepomnaşiylə Boqdan Daniel Deak və Levon Aronyanla Rixard Rapport qarşılaşacaq.
Superbet Chess Classic Romania turniri mayın 14-dək davam edəcək. Turnirin ümumi mükafat fondu 350 min dollar təşkil edir. Qeyd edək ki, turnirin ötənilki qalibi Şəhriyar Məmmədyarov olub.
