Tbilisidə insanlar küçələrə axışaraq, parlamentin qəbul etdiyi yeni qanun layihəsinə etirazlarını bildiriblər. Bu barədə İnsanoid Gürcüstan KİV-yə istinadən bu gün, 8 mart tarixində xəbər verib.
Ötən gün Gürcüstanın paytaxtı Tbilisidə etirazçılar parlamentin yaxınlığında polisin qurduğu barrikadanı yarıblar. Hüquq-mühafizə orqanları parlamentin binası qarşısında etiraz aksiyasını dağıtmaq üçün su şırnaqlarından və gözyaşardıcı qazdan istifadə ediblər.
Xüsusi təyinatlılar parlamentin girişinə aparan küçəni bağlayıblar.
Darvazanın digər tərəfində olan polis əməkdaşları nümayişçilərin üzərinə su tökərək gözyaşardıcı qazdan istifadə ediblər. Etirazçılar “Gürcüstan, Gürcüstan” şüarları səsləndirirlər.
Parlamentin xarici agentlər haqqında qanun layihəsini birinci oxunuşda qəbul etməsindən sonra minlərlə etirazçı küçələrə axışmaqda davam edir.
Daxili İşlər Nazirliyinin nümayəndələri səsgücləndiricilərlə mitinqçilərə xəbərdarlıq ediblər və bildiriblər ki, əks halda onlara qarşı qanuni tədbirlər tətbiq olunacaq.
