Tanınmış ilahiyyatçı Hacı Şahin dünyasını dəyişib. Bu barədə 2 mart tarixində APA məlumat verib.
Onun köməkçisi bildirib ki, ilahiyyatçı ürək tutmasından vəfat edib.
İlahiyyatçının Facebook səhfəsində bildirilib: "Böyük hüzn və kədərlə bildirmək istəyirik ki, bu gün səhər saatlarında Hacı Şahin Həsənli dünyasını dəyişdi. İctimaiyyətə əlavə məlumat veriləcək".
Qeyd edək ki, 48 yaşlı Hacı Şahin Həsənli “Mənəvi Dünya” Milli-Mənəvi Dəyərlərimizin Təbliği İctimai Birliyinin təsisçisi və sədri, eyni zamanda Qafqaz Müsəlmanları İdarəsinin Nəsimi rayonu üzrə nümayəndəsi idi.
