Türkiyənin Hatay şəhər sakini yardıma gəlib qayıdanlara öz təşəkkürünü fərqli formada bildirib. Bu barədə İnsanoid Türkiyə KİV-yə istinadən bu gün, 21 fevral tarixində məlumat verib.
Zəlzələdən zərərçəkənlərin ehtiyaclarının qarşılanması üçün həm axtarış, həm xilasetmə, həm də kömək üçün Hatay-a gələn minlərlə insan şəhəri tərk etməyə başlayıb.
Şəhərin çıxışında - yolun orta hissəsində, yol nişanının üzərində, “Allah sizdən razı olsun” və “Uğurlar” yazısı olan karton asılıb.
[caption id="attachment_106344" align="alignnone" width="640"]
Foto DHA.com.tr-nin rəsmi saytı[/caption]
Yazının müəllifi, Cevdet Sağıltım:
"Səudiyyə Ərəbistanında işlədim və 20 il pul yığdım, bu evi tikdim. 4 uşağım var, 1-i evlidir. Evimiz dağıldı. Çox pis zəlzələ idi. Ömrümdə belə zəlzələ görməmişdim. 8 nəfər çadırda qalırıq. Allah kömək edənlərdən min dəfə razı olsun. Yazını yardım edənlərə təşəkkür etmək məqsədilə yazdım. Bizi tərk etmədilər”, deyə bildirib.
Mərkəzi Kahramanmaraş olan və 11 vilayəti ağuşuna almış 2 böyük zəlzələdən sonra 41 mindən çox insan həyatını itirib.
