Özünü binadan atmış məktəbli qızı xilas etməyə çalışan 37 yaşlı Zahid Niyazov Dövlət Gömrük Komitəsində işləyir. Bu haqda Oxu.az Dövlət Gömrük Komitəsinə istinadən xəbər paylaşıb.
O, Komitənin Baş Gömrük Mühafizə Xidmətinin əməkdaşıdır.
Xəsarət alan Z.Niyazov hazırda Dövlət Gömrük Komitəsinin hospitalında müalicəsini davam etdirir.
Mayın 3-ü paytaxtın Xətai rayonunda 17 yaşlı Xumar Babayeva imtahanda zəif nəticə göstərdiyinə görə özünü binanın 9-cu mərtəbəsindən atıb. Gənc qız onu tutmağa cəhd edən 38 yaşlı bina sakininin üzərinə düşüb. Nəticədə X.Babayeva həlak olub, Z.Niyazov isə xəstəxanaya yerləşdirilib.
