İran Prezidenti İbrahim Rəisi Türkiyəyə, Türkiyənin xarici işlər naziri Mövlud Çavuşoğlu İrana səfər edəcəklər. Bu barədə Report 8 mart tarixində məlumat verib.
İranın xarici işlər naziri Hüseyn Əmirabdullahian Ankarada türkiyəli həmkarı Mövlud Çavuşoğlu ilə birgə keçirdiyi mətbuat konfransında səfərin əvvəlcədən planlaşdırıldığını xatırladıb:
“Ancaq səfər Türkiyədə baş vermiş zəlzələyə görə təxirə salındı. Ümid edirəm ki, yaxın vaxtlarda Prezident İbrahim Rəisi ilə türkiyəli həmkarı Rəcəb Tayyib Ərdoğan arasında səmərəli görüş olacaq”.
“Yaxın vaxtlarda İrana gedəcəyəm”.
Bunu Türkiyənin xarici işlər naziri Mövlud Çavuşoğlu Ankarada iranlı həmkarı Hüseyn Əmirabdullahianla keçirdiyi mətbuat konfransında deyib.
Onun sözlərinə görə, bugünkü görüşdə ikitərəfli əlaqələr müzakirə olunub: “Enerji və iqtisadiyyat sahəsində əməkdaşlıq, həmçinin terrorla mübarizədə birgə fəaliyyət barədə də fikir mübadiləsi apardıq".
Çavuşoğlu bildirib ki, iranlı həmkarı ilə Ukraynadakı vəziyyəti də müzakirə edib: "Həmkarıma "Taxıl sazişi"ndəki son durum barədə məlumat verdim. Müharibənin başa çatması üçün hansı səyləri ortaya qoya biləcəyimizi müzakirə etdik".
Qeyd edək ki, İran XİN başçısı Türkiyədə səfərdədir.
