İsmayıllı rayonunda 67 yaşlı qadın sahibsiz itlərin hücumuna məruz qalıb. Bu barədə 11 may tarixində Report məlumat verib.
Belə ki, sahibsiz itlər rayonun Qubaxəlilli kənd sakini, 1956-cı il təvəllüdlü Yusifova Aidə İlyas qızına yaşadığı evin həyətində hücum edib.
Küçə itləri qadının üz, baş və çiyin nahiyəsindən dişləyərək ona xəsarət yetiriblər.
Yaralı qadın təcili tibbi yardım avtomobili ilə İsmayıllı Rayon Mərkəzi Xəstəxanasının cərrahiyyə şöbəsinə yerləşdirilib.
Xəsarətləri ağır olan qadına, həmçinin quduzluğa qarşı vaksin vurulub, hazırda müalicə olunur.
