Kəlbəcər rayon sakini qaçırdığı avtomobili yandırıb. Bu barədə İnsanoid Daxili İşlər Nazirliyinin mətbuat xidmətinə istinadən bu gün, 24 aprel tarixində xəbər verir.
Göygöl Rayon Polis Şöbəsinə aprel ayının 4-də rayon ərazisindən "UAZ" markalı yük avtomobilinin qaçırılması barədə məlumat daxil olub. Dərhal polis əməkdaşları hadisə yerinə gələrək müvafiq araşdırmalar aparıblar.
Keçirilən əməliyyat-axtarış tədbirləri nəticəsində qaçırılan avtomobil rayonun Çaylı kəndi ərazisində yandırılmış vəziyyətdə tapılıb.
Davam etdirilən istintaq-əməliyyat tədbirləri nəticəsində cinayəti törətməkdə şübhəli bilinən, əvvəllər məhkum olunmuş Kəlbəcər rayon sakini Qüdrət Salahov şübhəli şəxs qismində saxlanılaraq istintaqa təhvil verilib.
Dindirilmə zamanı Q.Salahov cinayət əməlini sərxoş halda törətdiyini və peşman olduğunu deyib.
