Bu gün dünya KİV-lərində ən çox müzakirə edilən xəbərlərdən biri də məşhur futbolçu Kriştianu Ronaldunun Corcinaya evlilik təklif etməsidir.
İnsanoid.com xəbər verir ki, futbolçu və sevgilisi, Buenos-Ayresdən olan model nişanlandıqlarını İnstaqramda elan ediblər. Əvvəllər bu təklif 9 il gecikdiyi üçün Corcina ələ də salınıb. Ancaq indi o, fəxr edə bilər - barmağında dəyəri 1,5 milyon funt sterlinqdən çox olan və çəkisi 20 karata qədər olan brilyant üzük parıldayır. Ehtimal edilir ki, cütlüyün toyu çox dəbdəbəli keçiriləcək və ən azı 10 milyon funt sterlinq xərclənəcək.
Deyilənlərə görə, qonaqlar arasında Devid Bekhem, Novak Çokoviç, Lionel Messi və Rafael Nadal da olacaq. Bu isə toyun həqiqətən də yüksək səviyyədə keçiriləcəyinə işarə edir. Hətta Kriştianu-Corcina cütlüyünün toyu dünyanın ən bahalı toyları siyahısına da düşə bilər.
Bu günə qədər ən bahalı toylar bunlar olub:
Rusiyalı milyarder Səid Qutseriev və Xədicə Ujaxovanın toyuna 1 milyard dollar xərclənib.
Hindistanlı milyarder Mukeş Ambani oğlu Anantın toyuna 339 milyon dollar xərcləyib.
Şahzadə Çarlz və Diana Spenserin toyu Bukinhem sarayına 110 milyon dollara başa gəlib.
Şahzadə Uilyam Keyt Middltonla nikaha 34 milyon, şahzadə Harri Meqan Markla toyuna 42 milyon dollar xərcləyib.
Görünən odur ki, Ronaldu da bu siyahıya düşə bilər.
