Ağstafa Rayon Polis Şöbəsinə Kür çayında - Ağstafa rayonunun Poylu qəsəbəsi hissəsindəki adacıqda naməlum meyit aşkarlanıb. Bu barədə İnsanoid DİN-in Mətbuat Xidmətinə istinadən bu gün, 22 may tarixində xəbər verir.
Hadisə yerinə gələn Rayon Polis Şöbəsinin və Prokurorluğunun əməkdaşları müvafiq araşdırmalar aparıblar.
İlkin araşdırmalar zamanı məlum olub ki, çay suyunun çəkilməsi nəticəsində naməlum kişi meyiti üzə çıxıb. Onun əlamətləri belədir: boyu 165 sm-dir, yaş 45-55, üzərində zorakılıq əlamətləri yoxdur, boğazında mənzil açarı var.
Naməlum şəxs barəsində məlumatı olanlardan DİN-in "102 Zəng Mərkəzi" Xidmətinə, 022 225 25 52, 050 583 41 02 telefon nömrələrinə və ya ərazi üzrə polis orqanlarına məlumat vermələri xahiş olunur.
