Kürdəmirdə avtomobil qəzası baş verib, ər və arvad xəsarət alıblar. Bu barədə İnsanoid Report-a istinadən bu gün, 27 may tarixində xəbər verib.
Hadisə Kürdəmir-Zərdab yolunun rayonun Söyüdlər kəndi ərazisindən keçən hissəsində qeydə alınıb.
“Mercedes” markalı minik maşını həmin yolda hərəkətdə olarkən yol kənarında dayanmış qoşqulu traktora çarpılıb.
Nəticədə minik maşınında olan iki nəfər - Kürdəmir rayon Sovla kənd sakinləri - 63 yaşlı Vidadi Əzizov və onun həyat yoldaşı, 60 yaşlı Aygün Əzizova müxtəlif dərəcəli bədən xəsarətləri alıblar.
Yaralılar Kürdəmir rayon Mərkəzi Xəstəxanasına aparılıb və həkim nəzarətinə götürülüblər.
Faktla bağlı araşdırma aparılır.
