Kürdəmir rayonunda piyadanın ölümü ilə nəticələnən yol-nəqliyyat hadisəsi baş verib. Bu barədə İnsanoid Report-a istinadən bu gün, 13 iyul tarixində xəbər verir.
Hadisə Ağsu-Kürdəmir yolunun rayonun Qaraqocalı kəndindən keçən hissəsində qeydə alınıb.
Belə ki, Şəmkir rayon sakini olan sürücü Şükran Rəvan oğlu Əhmədovun idarə etdiyi “Chevrolet” markalı avtomobil həmin yolda hərəkətdə olarkən yolu keçmək istəyən 72 yaşlı Kürdəmir rayon Şıxımlı kənd sakini, Əhmədağa İbrahimovu vurub.
Yaralı dərhal Kürdəmir Rayon Mərkəzi Xəstəxanasına aparılıb və həkim nəzarətinə götürülüb. Həkimlərin səylərinə baxmayaraq, onun həyatını xilas etmək mümkün olmayıb.
Onun meyiti müayinə olunması üçün Səhiyyə Nazirliyinin Məhkəmə Tibbi Ekspertizası və Pataloji Anatomiya Birliyinin Kürdəmir rayon şöbəsinə yerləşdirilib.
Hazırda faktla bağlı araşdırma aparılır.
