“Pari Sen-Jermen” Kilian Mbappeni bir ildən sonra pulsuz olaraq itirmək riskindənsə, bu yay onu satmağa hazırdır. Bu barədə İnsanoid bu gün, 13 iyun tarixində məlumat verir.
Tanınmış transfer eksperti Fabrisio Romano bildirib ki, Mbappe Fransa klubu ilə müqaviləsini yeniləməyəcək.
Fransalı hücumçunun hazırkı müqaviləsi növbəti mövsümün sonunda başa çatır.
24 yaşlı Mbappenin PSJ-yə 2025-ci ilə qədər müqaviləni uzadıb-uzatmayacağı ilə bağlı qərarı üçün son tarix 31 iyul idi. Aylarla davam edən danışıqlardan sonra o, klubla əməkdaşlığını davam etdirməyəcəyini bildirən məktub göndərib.
Fransız futbolçunun transferində maraqlı olan klublardan biri “Real Madrid”dir. Mbappe keçən il PSJ-də qalmaq üçün “Real”a keçidlə bağlı təklifi rədd etmişdi.
PSJ-yə 180 milyon avroya baş gələn Mbappe 260 oyunda 212 qol vurub.
